ကျိုင်းတုံ ဩဂုတ်-၂၀
ကျိုင်းတုံမြို့၊ ကျောင်းထိုင်ဘုန်းကြီး သင်တန်းကျောင်း( စိန်ပန်း )ကျောင်းတိုက်တွင် (၂၀၂၄-၂၀၂၅) ဘဏ္ဍာရေးနှစ် ရှမ်းပြည်နယ်အစိုးရန်ပုံငွေဖြင့် ကျိုင်းတုံမြို့၊ ကျောင်းထိုင်ဘုန်းကြီး သင်တန်းကျောင်း (စိန်ပန်း )ကျောင်းတိုက်အတွင်း ကျောင်းဆောင်ဆောက်လုပ်နိုင်ရန် မတည်ငွေ ကျပ်သိန်းတစ်ထောင် လှူဒါန်းခြင်းအခမ်းအနားကို ဩဂုတ်လ(၂၀) ရက်နေ့၊ ညနေ( ၄ ) နာရီတွင် ကျင်းပပြုလုပ်ခဲ့ရာ အခမ်းအနားသို့ ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းအရှေ့)၊ ဥက္ကဌ၊ ဦးဇော်လွင်ဦး သည် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်နှင့် အဖွဲ့ဝင်များ၊ တြိဂံဒေသတိုင်းစစ်ဌာနချုပ်၊ တိုင်းမှူးနှင့် စစ်ဘက်အရာရှိကြီးများ၊ နယ်ဘက်ဌာန ဆိုင်ရာအကြီးအကဲများ၊ တာဝန်ရှိသူများနှင့်အတူ တက်ရောက်ခဲ့ကြကြောင်း သိရှိရပါသည်။
ဆက်လက်၍ ကျိုင်းတုံမြို့၊ ခရိုင်အားကစားကွင်းတွင် ပြည်နယ်အစိုးရအုပ်ချုပ်ရေးအဖွဲ့ခွဲ ( ရှမ်းအရှေ့ )၊ ဥက္ကဌဖလား အသက် ( ၂၅ )နှစ်အောက် မြို့နယ်ပေါင်းစုံ အမျိုးသားဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ခြင်းအခမ်းအနားကို ညနေ(၄)နာရီခွဲတွင် ကျင်းပပြုလုပ်ခဲ့ရာ အခမ်းအနားသို့ ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းအရှေ့)၊ ဥက္ကဌ၊ ဦးဇော်လွင်ဦး သည် ပြည်နယ်အစိုးရ အုပ်ချုပ်ရေးအဖွဲ့ခွဲ(ရှမ်းအရှေ့)၊ အဖွဲ့ဝင်များ၊ ပြည်နယ်ခွဲ/ ခရိုင်/ မြို့နယ်ဌာနဆိုင်ရာအကြီးအကဲများနှင့် တာဝန်ရှိသူများ ဒေသခံပြည်သူလူထုများ၊ စုစုပေါင်းအင်အား (၁၀၀၀) ဦးခန့်နှင့်အတူတက်ရောက်ခဲ့ပြီး ပြည်နယ်အစိုးရအုပ်ချုပ်ရေးအဖွဲ့ခွဲ ( ရှမ်းအရှေ့ )၊ ဥက္ကဌ၊ ဦးဇော်လွင်ဦး သည် ဗိုလ်လုပွဲယှဉ်ပြိုင်ကစားသော တာချီလိတ်မြို့နယ်အသင်းနှင့် မိုင်းဆတ်မြို့နယ်အသင်းတို့ ယှဉ်ပြိုင်မှုအား ကြည့်ရှုအားပေးပြီး ဆုချီးမြှင့်ပေးအပ်ခဲ့ကြောင်းသိရှိရသည်။
ရှမ်းပြည်နယ်အစိုးရအဖွဲ့