တောင်ကြီး ဖေဖေါ်ဝါရီ-၁၅
ဘော်လီဘောအားကစား ဖွံ့ဖြိုးတိုးတက်ရေးအတွက် ရှမ်းပြည်နယ်အစိုးရအဖွဲ့မှ ကြီးမှူးကျင်းပသည့် SHAN STATE VOLLEVYBALL LEAGUEအမှတ်ပေးပြိုင်ပွဲများကို အင်းလေးဒေသတွင် ၂၀၂၄ခုနှစ် ဇွန်လကဟဲယာရွာမ ဘော်လီဘောအားကစားရုံ၌ ပြိုင်ပွဲဝင်အသင်း(၁၂)သင်းမှ အမှတ်ပေးစနစ်ဖြင့် ယှဥ်ပြိုင်ကျင်းပခဲ့ရာ ၂၀၂၅ခုနှစ်ဖေဖေါ်ဝါရီ(၁၄)ရက် ညနေ(၃)နာရီက တောင်ကြီးမြို့၊ ပြည်နယ်အားကစားလေ့ကျင့်ရုံတွင် အမှတ်ပေးချန်ပီယံပြိုင်ပွဲ ဆုချီးမြှင့်ပွဲကျင်းပကြောင်း သိရသည်။
ပြိုင်ပွဲတွင် ဟဲယာရွာမ+ကေလာအသင်းနှင့် အင်းယား+ပုန့်မူအသင်းတို့ ယှဥ်ပြိုင်ကစားနေမှုကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်ခရိုင် မြို့နယ်အဆင့်ဌာနဆိုင်ရာများ၊ တောင်ကြီးပညာရေးဒီဂရီကောလိပ်မှ ကျောင်းသား၊ ကျောင်းသူများ၊ သားဖွားသင်တန်းကျောင်းမှ ကျောင်းသား၊ ကျောင်းသူများ အားကစားဝါသနာရှင်များ ကြည့်ရှုအားပေးကြရာ ဟဲယာရွာမ+ကလောအသင်းမှ ရမှတ်ပေါင်း(၅၇)မှတ်ဖြင့် ပထမရရှိသွားကြောင်း သိရသည်။
ထို့နောက် ဆုချီးမြှင့်ပွဲကျင်းပရာ အဌမဆုရရှိသော အင်းပေါခုံ+ကျေးပေါခုံအသင်းအား ငွေသားဆုကို ရှမ်းပြည်နယ်ဘောလီဘော ဆပ်ကော်မတီဒုတိယဥက္ကဋ္ဌ ဦးမင်းဟန်မှ ချီးမြှင့်ပေး၍လည်းကောင်း၊ သတ္တမဆုရရှိသော မိုင်းပျိုး+တောင်တိုအသင်းအား ငွေသားဆုကို ရှမ်းပြည်နယ်ဘော်လီဘော ဆပ်ကော်မတီဥက္ကဋ္ဌ ဦးသန်းကျော်မှ ချီးမြှင့်ပေး၍လည်းကောင်း၊ ဆဋ္ဌမဆုရရှိသော အားကာသိပ္ပံ(တောင်ကြီး)အသင်း၊ ပဥ္စမဆုရရှိသော သလဲဦး+မိုင်းသောက်အသင်းအား ငွေသားဆုကို ရှမ်းပြည်နယ်အစိုးရအဖွဲ့ ပြည်နယ်ဥပဒေချုပ် ဦးစိုင်းကျော်ဇံမှ ချီးမြှင့်ပေး၍လည်းကောင်း၊ စတုတ္ထဆုရရှိသော နန်းပန်+နောင်တောအသင်းအား ငွေသားဆုနှင့် ပွဲစဥ်တစ်လျောက် အကောင်းဆုံးကစားသမား ဆုရရှိသူတို့ကို ပြည်နယ်လမ်းပန်းဆက်သွယ်ရေးဝန်ကြီး ဦးနေဝင်းအောင်က ချီးမြှင့်ပေး၍လည်းကောင်း၊ တတိယဆုရရှိသော အင်းယား+ပုန့်မူအသင်းအား တစ်ဦးချင်းဆုတံဆိပ်နှင့် ငွေသားဆုကို ပြည်နယ်လူမှုရေးရာဝန်ကြီး ဦးမင်းမင်းလွင်က ချီးမြှင့်ပေး၍လည်းကောင်း၊ ဒုတိယဆုရရှိသော ရွာသာ+တောင်ပို့ကြီးအသင်းအား တစ်ဦးချင်းဆုတံဆိပ်နှင့် ငွေသားဆုကို ပြည်နယ်သယံဇတရေးရာဝန်ကြီး ဦးစိုင်းလိတ်က ချီးမြှင့်ပေး၍လည်းကောင်း၊ ပထမဆုရရှိသော ဟဲယာရွာမ+ကေလာအသင်းအား တစ်ဦးချင်းဆုတံဆိပ်နှင့် ငွေသားဆု ပထမဆုဖလားတို့ကို ရှမ်းပြည်နယ်ဝန်ကြီးချုပ် ဦးအောင်အောင်က ချီးမြှင့်ပေးကြကြောင်း သိရှိရသည်။
ရှမ်းပြည်နယ်အစိုးရအဖွဲ့ရုံး