မိုင်းဆတ် မတ် ၁၆
မိုင်းဆတ်ခရိုင်၏ မိုင်းဆတ်မြို့ မယ်ဆွယ်တောင်ရပ်ကွက်၊နောင်ဟီးရပ်၊ ဆုတောင်းပြည့်စေတီတော်မြတ်တွင် မတ်လ(၁၆)ရက်နေ့ နံနက် (၇) နာရီ၌ စေတီတော်အတွင်းအပြင်နှင့်မုခ်ဦးအဝင်လမ်းတို့တွင်ပြည်သူလူထုစုပေါင်း သန့်ရှင်းရေးပြုလုပ်ရာ ခေတ္တ စကခ (၁၄) မူး၊ ဗိုလ်မှူးကြီးဇင်မင်းထွန်းဦးဆောင်သော တပ်ရင်းတပ်ဖွဲ့များ၊ခရိုင်စီမံ အုပ်ချုပ်ရေးအဖွဲ့ဥက္ကဋ္ဌဦးညီညီထွေး ဦးဆောင်သည့် ခရိုင်/မြို့နယ်ဌာနဆိုင်ရာဝန်ထမ်းများ ၊ လူမှုရေးအသင်းအဖွဲ့များပါဝင် ပြီးစုစုပေါင်း အင်အား (၂၆၅)ဦးစုပေါင်းသန့်ရှင်းရေးပြုလုပ်ခဲ့ကြပါသည်။
အဆိုပါ သန်ရှင်းရေးအား ဘုရားပရဝုဏ်အတွင်းနှင့် အပြင်ဘက် အရှေ့ဘက်မုခ်ဦးဝန်းကျင် အဝင်လမ်းဘေးဝဲယာတို့အားမြက်ဖြတ်စက်များဖြင့်သန့်ရှင်းရေးပြုလုပ်ခြင်း၊ခြုံနွယ်များခုတ်ထွင်ခြင်း၊အမှိုက်များ မီးရှို့ ရှင်းလင်းခြင်းများ ပြုလုပ်ခဲ့ပါကြောင်း တင်ပြအပ်ပါသည်။
ရှမ်းပြည်နယ်အစိုးရအဖွဲ့ရုံး