ကျိုင်းတုံ ဖေဖော်ဝါရီ-၂၈
ကျိုင်းတုံမြို့၊ အမှတ် ( ၁၁ ) တပ်မတော် တန်းမြင့်လေ့ကျင့်ရေးကျောင်း၊ စစ်ရေးပြကွင်းတွင် ပြည်သူ့စစ်မှုထမ်းအမှတ်စဉ် ( ၈/ ၂၀၂၄ ) သင်တန်းဆင်းပွဲအခမ်းအနားကို ဖေဖော်ဝါရီလ( ၂၈ ) ရက် နံနက်(၇) နာရီတွင် ကျင်းပပြုလုပ်ခဲ့ရာ အခမ်းအနားသို့ ပြည်နယ်အစိုးရအုပ်ချုပ်ရေး အဖွဲ့ခွဲ ( ရှမ်းအရှေ့ )၊ ဥက္ကဌ၊ ဦးဇော်လွင်ဦး သည် တြိဂံဒေသတိုင်းစစ်ဌာနချုပ်၊ တိုင်းမှူးနှင့် စစ်ဘက်အရာရှိကြီးများ၊ ပြည်နယ်အစိုးရအုပ်ချုပ်ရေးအဖွဲ့ခွဲ(ရှမ်းအရှေ့)၊ အဖွဲ့ဝင်များ၊ နယ်ဘက်ဌာနဆိုင်ရာများမှ တာဝန်ရှိသူများနှင့်အတူတက်ရောက်ခဲ့ပြီး အခမ်းအနားတွင် အမှတ်( ၁၁ ) တပ်မတော်တန်းမြင့်လေ့ကျင့်ရေးကျောင်း၊ ကျောင်းအုပ်ကြီး မှ သင်တန်းဆင်းမိန့်ခွန်းပြောကြားခြင်း၊ သင်တန်းထူးချွန်ဆုရရှိသူများအား ဆုများပေးအပ်ချီးမြှင့်ခြင်း၊ သင်တန်းစားရိပ်သာတွင် ပြည်သူ့စစ်မှုထမ်းသင်တန်းအမှတ်စဉ်(၈/ ၂၀၂၄)သင်တန်းဆင်းစစ်သည်များနှင့်အတူ နံနက်စောစာအား အတူသုံးဆောင်ခြင်းများဆောင်ရွက်ခဲ့ကြကြောင်း သိရှိရသည်။
ဆက်လက်၍ ကျိုင်းတုံမြို့၊ အမှတ်(၄)ရပ်ကွက်ရှိ လူမှုဝန်ထမ်းအသိအမှတ်ပြု ဒုတိယအဆင့် ကျိုင်းတုံဘိုးဘွားရိပ်သာ၌ ကျင်းပပြုလုပ်သော လူမှုဝန်ထမ်းဦးစီးဌာနမှ စေတနာ့ဝန်ထမ်းအဖွဲ့အစည်းများသို့ နှစ်စဉ်ထောက်ပံ့ပေးအပ်လျှက်ရှိသည့် ၂၀၂၄ – ၂၀၂၅ ဘဏ္ဍာရေးနှစ် ထောက်ပံ့ငွေပေးအပ်ပွဲသို့ ပြည်နယ်အစိုးရအုပ်ချုပ်ရေးအဖွဲ့ခွဲ ( ရှမ်းအရှေ့ )၊ ဥက္ကဌ၊ ဦးဇော်လွင်ဦး သည် လူမှုဝန်ထမ်းဦးစီးဌာန၊ ဒုတိယညွှန်ကြားရေးမှူး၊ ကျိုင်းတုံဘိုးဘွားရိပ်သာကြီးကြပ်ရေးကော်မတီဝင်များ၊ မြို့မိ၊ မြို့ဖများနှင့်အတူတက်ရောက်ခဲ့ပြီး ကျိုင်းတုံဘိုးဘွားရိပ်သာရှိ အဘိုး၊ အဘွား ( ၁၆ ) ဦးအတွက် လူမှုဝန်ထမ်းဦးစီးဌာနမှ ၂၀၂၄ -၂၀၂၅ ဘဏ္ဍာရေးနှစ် ထောက်ပံ့ငွေကျပ် ( ၂,၃၅၂,၀၀ဝိ/- ) အား ပြည်နယ်အစိုးရအုပ်ချုပ်ရေးအဖွဲ့ခွဲ ( ရှမ်းအရှေ့ )၊ ဥက္ကဌ၊ ဦးဇော်လွင်ဦး မှ ကျိုင်းတုံဘိုးဘွားရိပ်သာကြီးကြပ်မှုကော်မတီ၊ ဥက္ကဌ ထံသို့လွှဲပြောင်းပေးအပ်ခဲ့ကြောင်း သိရှိရသည်။
ရှမ်းပြည်နယ်အစိုးရအဖွဲ့ရုံး